મારી લાગણીઓની સરવાણી


ઓથાર ભાગ ૧-૨…

અશ્વીનીદાદાની ઓથાર નવલકથા વાંચી. ખુબ ગમી. વાંચ્યા પહેલાં મને એમ હતું કે આ નોવેલની શરૂઆત પણ કોઈ રહસ્યમય ખૂન સાથે થશે કારણ કે દાદાની મેં ત્રણ નોવેલ વાંચી છે, અંગાર, આશ્કા માંડલ અને નીરજા ભાર્ગવ અને યોગાનુયોગ ત્રણેય નોવેલ એક રહસ્યમય ખૂનથી થાય છે. ઓથારની કથાનો સમય સન ૧૮૫૭ પછીનો છે. જબલપુરની બાજુમાં જાનોર એક નાનું રજવાડું છે અને ત્યાંના રાજકુમાર સેજલસિંહ આ કથાનો હીરો છે. કથાની હિરોઈન છે સેના બારનીશ અને ગ્રેઈસ વિલિયમ. સેજલ સેનાને પ્રેમ કરે છે અને સેના માટે એ કઈ પણ કરવા તૈયાર છે, રાજગાદીનો ત્યાગ પણ..સેના પણ સેજલને ખુબ પ્રેમ કરે છે. બીજું એક પાત્ર ખેરાસીંહ પણ સેનાને દિલોજાનથી પ્રેમ કરે છે અને ગ્રેઈસ છે એ સેજલને દિલની અંતરતમ ગહેરાઈથી પ્રેમ કરે છે. નોવેલમાં ઘણાં બધા પાત્રો આવે છે અને બધાનું જીવંત વર્ણન કરવામાં આવ્યું છે. સેજલની માં રાજેશ્વરીદેવી, સેજલના પિતા વિક્રમસિંહ, સેનાના પિતા સંતોજી બારનીશ, બાલીરામજી, આજો માતાઈ, ધાનોજી, રાણોજી, ભુવનસિંહ, રામસતીયો, કિરનદાસ, સુબેદાર ખંડેરાવ, રામચરણ-રામશરણ, ગજાનન, છત્રપાલ, ભવાનીસિંહ, રહમત મીર,સોહારસિંહ, હરિભજનબાબા, સેવાદાસજી, જેડો રાઓટીયો…આ ઉપરાંત અંગ્રેજી પાત્રો પણ એટલાજ છે…સર વિલિયમ, કર્નલ મેલેટ, સર પોવેલ, જો ગિબ્સન, ડોક્ટર હ્યુસન, જીના પોવેલ, મેક્ગ્રેગર..આ તો મુખ્ય પાત્રો છે આના સિવાય બીજા પણ અનેક પાત્રો આવે છે દાદા બધાની ઓળખાણ કરાવતા જાય અને વાર્તા આગળ વધતી જાય..સેજલના બંને ઘોડા તુરક અને તોકલ પણ ખરા.

 

સેજલ એ એક નફીકરો રાજકુમાર હોય છે. તેની મુલાકાત ગ્રેઈસ સાથે થાય છે અને કથા વેગ પકડે છે. આખી કથા સેજલની નજરે જ આગળ વધે છે. તે પોતાની બધી નબળાઈઓ કબુલે છે. તે શરાબ અને શબાબનો શોખીન છે. સેના અને ગ્રેઈસ સાથેના જિન્સી આવેગોને કંટ્રોલ ન કરી શકવાની વાત કબુલે છે. સેનાની એન્ટ્રી સો પાના પછી થાય છે. ગોલાકી મઠની એ ગુફામાં સેનાની પ્રથમ મુલાકાતનું વર્ણન જબરદસ્ત છે..આ ઉપરાંત અનેકવાર અશ્વીનીદાદા કથામાં રોમાંચ ઊભો કરે છે. સેજલનો ખેરા સામે પ્રથમ મુકાબલો, સેનાનું જાનોરના મહેલમાં ભાગીને આવવું, સેજલનું  સેનાને ભેડાઘાટ મળવા જવું, ચાંદની રાતોમાં નર્મદા કિનારે સેના અને સેજલનો પ્રેમાલાપ, ગ્રેઈસ સાથે લાઈબ્રેરીમાં જિન્સી આવેગો, જીનાનું અપહરણ, રો ગિબ્સન જેલરનું મોત, મુઘલ અમાનતને જોવાની ઘટના, ગોલાકી મઠમાં ધિંગાણું, ગોવિંદદાસની કોઠી પર કર્નલ મેલેટની ઘેરાબંધી, ખેરાનો જાનોર પર હમલો, સેજલસિંહનો આગથી બચવાના પ્રયત્નો, જીનાનું અપહરણ, સર પોવેલનું અપહરણ..વગેરે અનેક પ્રસંગોનું કુશળતાથી આલેખન થયું છે.

સેજલ એકવખત કહે છે કે મારે સેનાને ગુમાવવી નથી અને ગ્રેઈસને છેતરવી નથી. સંજોગો એવા ઉભા થાય છે કે સેના અને ગ્રેઈસ વચ્ચે સેજલ અટવાય છે. હું વધારે લખીશ તો તમારો નોવેલ વાંચવાનો રસ ચાલ્યો જશે. કથાના બધા પાત્રોમાં મને ગ્રેઈસનું પાત્ર ખુબ પસંદ છે અને એટલે જ મેં ગ્રેઈસની કલ્પનાની ઈમેજ સાથે ઓથારની વાત લખું છું. લગાન ફિલ્મમાં ફિરંગી હિરોઈન છે એનું જ આ ફોટો છે. કથાનો અંત ખુબ જ અલગ છે. ક્યારેય ઓથાર વાંચવા મળે તો ચૂકવા જેવી નથી.

 

#ઓથાર

#અશ્વીનીભટ્ટ

GW334H500

મારી કલ્પનાની ગ્રેઈસ વિલિયમ..

Advertisements

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: